Дадзеная праца — вынік грунтоўнага вывучэння шматвяковага працэсу станаўлення і развіцця прыгожага пісьменства на беларускіх землях ад яго зараджэння да пачатку фарміравання нацыянальнай літаратуры. На вялікім фактычным матэрыяле ўсебакова раскрыты змест, важнейшыя тэндэнцыі і заканамернасці літаратурнай гісторыі Беларусі на розных яе этапах, прасочана эвалюцыя найбольш значных жанраў, асветлена жыццё і творчасць буйнейшых пісьменнікаў мінулага. У працы абгрунтавана і рэалізавана новая канцэпцыя даўняй і новай беларускай літаратуры, істотна ўдакладнена яе перыядызацыя, упершыню ў літаратурны працэс шырока ўключаны важкі пласт лацінамоўнай і польскамоўнай пісьмовай спадчыны.
«Гісторыя беларускай літаратуры ХІ—ХІХ стагоддзяў» — гістарычна-тэарэтычны сінтэз лепшых набыткаў сучаснага беларускага літаратуразнаўства. Другі том прысвечаны рагляду новай літаратуры (другая палова XVIII—XIX стагоддзе). Адрасуецца навукоўцам, выкладчыкам і студэнтам, шырокаму колу чытачоў.

Нац. акад. навук Беларусі, Ін-т мовы і літ. імя Я. Коласа і Я. Купалы; навук. рэд. тома У. І. Мархель, В. А. Чамярыцкі. – 2-е выд. — Мінск : Беларус. навука, 2010. — 582 с.
ISBN 978-985-08-1167-7.