Крытык Алесь Адамовіч назваў талент пісьменніка, лаўрэата Дзяржаўнай прэміі Беларусі імя Янкі Купалы М. Стральцова (1937–1987) «акрыленым высокай культурай думкі і пачуцця». Кнігу выбранага склалі класічная проза («Смаленне вепрука», «Загадка Багдановіча», «Адзін лапаць, адзін чунь»), багатая на арыгінальную думку, але «не сапсаваная таннай парадаксальнасцю паэзія» (Я. Брыль), а таксама артыкулы і эсэ пра тое сапраўднае, што своечасова заўважаў у беларускай літаратуры М. Стральцоў. Упершыню сабрана тут і эпісталярная спадчына пісьменніка.
Восемдзесят другі том кніжнага праекта «Беларускі кнігазбор».

Стральцоў, М. Л. Выбраныя творы / Міхась Стральцоў ; уклад. і камент. Міхася Скоблы ; прадм. Анатоля Сідарэвіча. — Мінск : Беларуская навука, 2015. — 652 с. : [4] л. іл. — (Беларускі кніга збор : БК. Серыя І. Мастацкая літаратура).
ISBN 978-985-08-1888-1.