Калектыўная манаграфія прысвечана 130-годдзю з дня нараджэння вядомага беларускага навукоўца, археолага, музейнага супрацоўніка, выкладчыка, папулярызатара археалагічнай спадчыны – Аляксандра Мікалаевіча Ляўданскага (1893–1937). За пятнаццацігадовы перыяд свайго навуковага жыцця даследчык зрабіў неацэнны ўнёсак у развіццё беларускай і расійскай археалогіі. Ён з’яўляўся арганізатарам і ўдзельнікам сістэматычных і планамерных даследаванняў на тэрыторыі БССР і па праве лічыцца заснавальнікам беларускай савецкай археалагічнай школы.
Прадстаўленая манаграфія прызначана для археолагаў, гісторыкаў, музейных супрацоўнікаў, выкладчыкаў, студэнтаў гістарычных факультэтаў, краязнаўцаў і ўсіх тых, хто цікавіцца гісторыяй айчыннай навукі і адкрыццямі ў галіне першабытнай і сярэднявечнай археалогіі.

Аляксандр Мікалаевіч Ляўданскі. Лёс і навуковая спадчына: (да 130-годдзя з дня нараджэння) / В. І. Кошман, А. У. Вайтовіч, Э. А. Ляшкевіч [і інш.]; навук. рэд. В. І. Кошман ; Нац. акад. навук Беларусі, Ін-т гісторыі. – Мінск: Беларуская навука, 2025. – 497 с.: іл.
ІSBN 978-985-08-3235-1.